Hástaluvvon vástidit

Blogga Försvinn ur min åsikt lea hástán mu ja muhtun eará bloggejeddjiid vástidit visses jearaldagaid. Son lea ieš vástidan jearaldagaid maid http://blandblommorochrutor.blogg.se/ lea bidjan sutnje. Vástádusaid sáhttá dáppe lohkat: http://hpartapuoli.blogspot.se/2012/05/en-utmaning-med-elva-fragor.html 

Dál lea mu vuorru vástidit jearaldagaide. Ná čállá Försvinn ur min åsikt:

Jag utmanar Lyckliga Jag, Risten-Márja, Baabalohke, Sunna Katarina, Enoksson, Sanna Elsa Nadine, värmeverk,  Skierrie, Nu ollu násttit, Cilla´s blogg och  Lugnt Kaos att svara på dessa frågor:

1. Berätta om ett doftminne.
2. Det mest spännande stället du har besökt.
3. Vad var det på detta stället som fick det kittla till av spänning?
4. En favoritbild från denna vår.
5. Det roligaste i ditt liv just nu.
6. Vad skulle du fråga Gud om du plötsligt skulle stöta på "hen"?
7. Din främsta förebild.
8. Om du var tvungen att bara äta en sorts frukt för resten av ditt liv, vilken skulle du välja?
9. En bok som förändrade ditt liv.
10. En dröm
11. Var trivs du bäst?

Jag hoppas ni har lust att svara på mina underliga frågor.

Nå lust ja lust. Juo, mun gal sáhtán. Lea vel miella.

1. Doftminne. Go girddis čohkkájin gaskavahku, de rahpen ovtta aviissa. Namma lei Aftenposten, jáhkán. In muitte nu bures, go sisdoallu ii lean dáiga. In gillen báljo maidege lohkat. Muhto vuhtten gal juogalágan hája. Aiddo prentejuvvon bláđđi, diet lei hádja. Lei buorre hádja. Millii bođii okta rádná geas muhtumin lea aiddo prentejuvvon bláđit ruovttus.

2. Balochistan.

3. Det var ingenting som fick det att kittla till av spänning, tyvärr. Jag var ganska avslappnad när jag var där. Men när jag ser på två av bilderna därifrån så tycker jag att det ser spännande ut.

4. Bra fråga. Favoritbild. Den måste jag suga lite på. Orkar inte stiga upp ur sängen och leta just nu.

5. Kören. Vi har jubileumskonsert på lördag (9/6 kl 19, Thon hotell, Kautokeino). Det går vi inför. Det är kul. Dimitri joavku.

6. Jag skulle nog fråga vad som är meningen med mitt liv och sen precisera frågan: Alltså vad är det jag ska fokusera på och se till att få gjort?
7. Diet lei maid váttis. Mus leat dušše dakkár idolat maid mun in dovdda, nu go Michael Jordan ja Bob Dylan. In dieđe gal ánssašeaba go dakkár gutni ;) Muhto dál go in fuobmá eará...

8. Apelsin, tror jag.

9. Hm. Pff. Diet. Finan geahččamin girjehildus. Kvinnor och sex, kanske? Nej. Vadå förändrade mitt liv? Go dien jearaldaga logan, ja go geahččalan vástidit, de dovddan ahte baicce vástidan jearaldahkii: Goas álggii boastut mannat? Sure, ok, girjjit gal addet hui ollu. Muhto, seammás, jus máistá Dieđuid muoras, Kunskapens träd, de ii gávdno šat bálggis mii doalvu ruovttoluotta. Ja go manná menddo leahtuin, de bávččaga. Muhto muhto. Leat ollu girjjit maidda lean liikon. Astrid Lindgrena Emil-girjjiide lean liikon. Willy Kyrklunda girjjiide maid, Till Tabbas, Polyfem förvandlad. Pentti Saarikoski Dansgolvet på berget. Muhto gula, dál fuobmájin juoidá. Dagar i Kautokeino, maid ieš lean čállán, dat lea duođaid rievdadan mu eallima (ja dan don jerret!). Maŋŋil dan de dieđán ahte máhtán čállit, ahte olbmot gillejit lohkat maid čálán, jus lean buori forpmas. Lei hui somás vásáhus. Dalle lei juoga mii rievddai.

10. En dröm. Dál mun in muitte. Livččii gal munnje niehku čállit girjji sámegillii.

11. I sängen. Eller när jag promenerar. Nej, mun in dieđe. Diet lei maid váttis. Lávgunkáres? Nej. Suffás? Na, juo vealládeamin suffás dehe seaŋggas. Jáhkán.

Ferten dasto vel ieš ráhkadit 11 jearaldaga ja hástit mu bloggenolbmáid vástidit. In dieđe goas dat šaddá. Odne goit in olle. Buorre idja! 

Abracadabra

Abracadabra. Steve Miller Band. Ii leat bahá. Lea ártet man ollu dievddut leat musihkkamáilmmis (ja nu maid filbmamáilmmis). Muhtumin jurddašan dál ferten guldalit muhtun niidii dehe nissonii, ja de bijan Madonna lávlut, dehe PJ Harvey, Bangles, Aretha Franklin, Billie Holiday dehe muhtun eará. Dál eskke Blondie - Deborah Harry. Muhto mun in jávkka nu guhká - fáhkka gávnnan vuohon muhtun bártni gii máhttá lávlut. In dieđe manne.

Vajálduvvon favorihtta

Dá lea okta lávlla, mii sáhtášii kvalifiseret "vajálduvvon favorihttan" mu musihkkaeallimis. Go R:as ožžon báddejuvvon kasseahta guhtta čieža jagi áigi, de lei dát lávlla mielde. Dalle in lean gullan Blondie birra.

Maŋimus problema

Mus lea borranmiella, in ge dieđe maid galggan borrat. Čálán ja čálán in ge dieđe masa boahtá ávkin... Dovdabehtet go sániid? Hip hop lea boahtán Sápmái. Mu mielas šattai somás bihttá, dát! Ja sudnos lea vel nubbi, masa leat viežžan lyricsaid Sápmelačča bloggas. Somá munnje goit ahte válddiiga mus dien giđđadivtta, maid publiserejin mannan vahkus dehe ovddit vahkus. Buorre musihkka, ja erenoamáš vuohki lohkat sisa teavstta. I like.

Árbevirolaš máhttu akademias

Lei somá mannan vahkus fitnat Inger Marie Gaup Eirra nákkahallamis, man Tromssa universitehta jođihii Sámi allaskuvllas, Guovdageainnus. Somá gullat ságaid. Árbevirolaš máhttu, mii gávdno olbmuid gaskkas juohke gilis, lea dán áiggi oažžumin eanet árvvu, ja lea vejolaš sihke kombineret ja muhtumin vel ovttastahttit dan akademalaš universitehtamáhtuin. Nu logai goit bealušteaddji iežas geahččalanlogaldagas. Vaikko leat goappátlágan "skuvllat", goappátlágan metodat, dehe máŋggalágan metodat, de lea goappáin sullii seamma árvu, jurddašan mun viidáseappot. Lei hui speanta gullat maid vuostenákkahallit lohke, ja maid bealušteaddji vástidii. Lei maid somá Norggas searvat dákkár dilálašvuođas, go lea veaháš earálágan go Ruoŧas.

Dás čuožžu eanet fáttá birra: http://nrk.no/kanal/nrk_sapmi/1.8169599  

Vårpromošuvdna Uppsalas

Uppsalas lea leamašan giđđe-promošuvdna, vårpromotion, ja Upsala Nya Tidningas beassá govaid geahččat. Earret eará Nils Johan Päiviö oidno :)

http://www.unt.se/bildspel/bildspelplayer.aspx?slideshowID=1762366#index=0

Vårpromotion lea rituála mas doavttirgrádahasat mat leat jagis bealuštan bargguideaset nákkahallamiin viimmat ožžot doavttirgráda diploma (ja besset vel háhta oastit 6 duhát kruvdnui).

MGP2012 ja ihttin Ruŧŧii

Lean álgán illudit ihtážii, dávjjit ja dávjjit. Odne illudan ihtážii, ikte illudin otnážii. (Ihttin girddán Ruŧŧii.) Dál lávlu Norgga lávlu Melody Grand Prixa semifinálas, lea áibbas dohkálaš. Norgga lávlu lávlu, ii go leat veaháš somá nu dadjat!? Ii leat várra áibbas ráinnas olles áigi tuvdna, muhto dohkálaččat ráinnas gal lea várra, in mun dieđe. Ruoŧa áirras lei maid ok. Čábbát dánsejuvvon ja čájehuvvon, muhto lávlla gal orui suoláduvvon, ii orron áibbas ođas ja amas gal. Muhto lea várra lohpi suoládit veaháš.

Mii lávlluimet vel bures/dohkálaččat odne. Lean duhtavaš, ja dat lea somá - dat maid mun gullen lei áibbas okei. Lei somá. Somá maid ahte lea biddjon govva Sámi allaskuvlla ruovttosiidui: http://samiskhs.no/article.php?id=1910

Ihttin ferten hui árrat gal lihkkat, diibmu njeallje juo.

Lithuania máhttá lávlut. Buorre lávlla vel. Liikon. Love is blind.

Ihttin lea mis konsearta beaivet - boađe gullat!

Ihttin mii galgat lávlut, dat šaddá nu speanta. Sámi allaskuvla juohká ovtta stipeandda man namma lea Seminarii Laponici ihttin diibmu 10:30 Diehtosiidda kantiinnas, Guovdageainnus, ja mii leat doppe lávlumin, juoigamin ja čuojaheamin koarain. Šaddá gal dušše 5 minuhta, muhto šaddá liikká hui somá. Go go!

Mu vahkkoloahppa

Muhtumat bloggejit nu persovnnalaččat. Mun in várra muital nu ollu čiegusvuođaid, in ge almmut nu ollu persvonnalaš dieđuid, in dán áiggi šat. Lean várra muhtumin dan dahkan, muhto de lean maŋŋil jurddašan ahte dat ii leat nu vuogas, ja de lean heaitán, goit geahččalan heaitit. Ii ge leat ge mu blogga várra seamma speanta go muhtun eará bloggat, muhto dat dohkke várra munnje, ja das lea rievtti mielde ollu lohkkit, nu ahte ollugat dattege orrot liikomin dan maid čálán. In gula nu dávja ahte olbmot fitnet mu bloggas, eai leat nu gallis mat dan muitalit, muhto duollet dállet dáhpáhuvvá, ja nu dagai ikte. Mun - dego várra earát nai - in dárbbaš gullat nu ollu sániid ovdal go sáhtán čeavlláhallat ruoktot, ilus.

Maid galgen vel čállit dál? Lean ruoktot Ruŧŧii bearjadaga. Šaddá hui speanta, háliidivččen iežan áhčiin hupmat veaháš go son dál deavdá 75, in dieđe gal man ollu mii ollet, muhto plána lea goit geahččalit.

Mannan vahkkoloahppa lei fiinnis Guovdageainnus. Ja hui guhkki. Álggus lei gaskavahku feasta Bottus. Leimmet gal álggus hoteallas, muhto de dan maŋŋil Bottus dánsemin. Lei somá. Ja mun gii ledjen olles beaivvi (maŋŋil barggu) hárjehallan zumba, vai galgen muitit buot lávkkiid duorastaga čájáhallamii, dánsejin veaháš Bottus. Manai vel bures, in mun duorastaga dovdan ge ahte ledjen garrasit trimmen gaskavahku.

Duorastaga lei Syttende mai ja olles Norga lei ilus. Mun maid. Ja mii nu zumbastalaimet Báktehárjjis. Ja mánát ledje nu mielde juohke lihkastagas! Bearjadaga vuolgen árrat nohkkat. Lávvordaga fitnen Marrasis. Leimmet goit logi olbmo. Juhken guokte vuollaga ovdal mannen ruoktot duđavaš.

Go galgá rehkega máksit

Om man har flera saker att gøra, så måste man vælja vilken man ska børja med. Det ær bara att vælja, kan man sæga, det kan vara lætt att sæga att det ær bara att vælja. Dál bidjen dola ommanii, lei vuosttaš lávki. Dál bijan rehkega dihtorbáŋkui máksit. Dál vieččan rehkega iežan veaskkus, dál raban konvoluhta. Lea vel boahtán eará rehket. Dat oažžu seamma divššu. Ferten máksit.

Hemsöborna

Logan August Strindberga Hemsöborna neahtas:

http://www.gutenberg.org/cache/epub/30078/pg30078.txt

Party

Party party. Ikte nohkken árrat, diibmu ii lean várra 10 ge eahkedis, ja de ođđen badjel 12 diimmu, lei buorre, mus lei várra dárbu. In dieđe riekta manne mus lei dárbu, muhto lean várra unnán oađđán, dehe ollu bargan, dehe ollu jurddašan dehe ollu hárjehallan ja dánson, dan gal lean, dat sáhttá leat dan dihte, go lei nu vuogas oađđit.

Lean gal lihkkan dál, muhto in leat rievtti mielde nu ollu bargan. Lean čállán veaháš beaivegirjji ja guldalan musihka. Gorut lea váiban. In dieđe nagodivččen go sihkkelastit ovtta tuvrra Juhlsii. Livččii buorre oažžut albma káfe. Ja de láve muđui ge somá doppe, go álot lea muhtun oahpes olmmoš doppe, mainna beassá muhtun sániid lonuhit.

Dá lea okta video man namma lea Michael Jackson Party. Lea muitaleaddji namma, go dat duođaid muitala video sisdoalu. Leat Michael Jacksonlávlagat mat leat miksejuvvon oktii. Muhto oažžu gal gullat olles lávlaga ovdal go nohká, ja dat lea buorre. Its Michael Jackson Party time :)

Ihttin zumba

Lea guhttanuppelogát beaivi miessemánus ja Norggas lea feasta go ihttin lea 17:át beaivi. Ja friija. Danin váldit ge juoidá juhkat odne, dehe bidjat musihka dánsut. Mun lean maid mannamin olggos, hui fargga. Manan várra hotellii álggus, go lea lagamus báiki. Ja lean vel gullan ahte doppe galget muhtun olbmát. Šaddá sihkkarit somá.

Ihttin leat Báktehárjjis doalut, ja mii leat lohpidan zumba dánsut lávddi nalde čájehan dihte makkár lea. Dat šaddá albma somá, jáhkán. Illudan :) Leat nu somás lihkstagat. Šaddá buorre.

Giđđa álgá

Diehtibehtet go maid? Mun čállen dál giđđadivtta (geahča vuolábealde). Ja de dan maŋŋil raban Jahki Sámis, ja otná dáhtonis čuožžu: "Giđđa álgá." (Jahki Sámis. Luondduolbmo birgen, 2012, s 58) Gal mun ledjen juo dan vuohttán ;)

Albma giđđa lea boahtán

Lea liekkas olgun, ja muohta suddá

Beaivi báitá, mánát sihkkelastet, garjját girdet

Olmmoš ii gidde ge jáhka go vázzá biilla lusa

Lieđit liđđot lásegárpmas, mus lea borranmiella

In ge dieđe maid galggan borrat

Čálán ja čálán in ge dieđe masa boahtá ávkin.

Muhtun sánit

Ođđa sánit:

1. váste, för den och dens skull. Dát galgá bargojuvvot álbmoga váste, mahkáš.
2. čalmmáiduvvat, att se sig blind på något. Mii leat nu garrasit bargan dál ahte leat áibbas čalmmáiduvvan ieža, eat ge oainne šat maid bargat.
3. čalmmustahttit, uppmärksamma. Mii ferten dien ja dán čalmmustahttit.